ಹೂ ಚೆಲ್ಲಿ ಕರೆದಿರುವೆ..

[ ನಾನು ತುಂಬಾ ಸಂಕಷ್ಟಕ್ಕೆ ಸಿಲುಕಿ ತುಂಬಾ ನೊಂದು ಏಕಾಂಗಿಯಂತೆ ಇದ್ದಾಗ ಬರೆದ ಕವಿತೆ ನಿಮ್ಮ ಮುಂದೆ.. ]

ಢಮರೆ ಢಮರೆ ಢಮ ಢಮಢಮ ಢಮಢಮ

ಢಮರೆ ಢಮರೆ ಢಮ ಢಮಢಮ ಢಮಢಮ

ಎದ್ದೇಳು ಎದ್ದೇಳು ನೀನು ಎದ್ದೇಳು

ಹರಶಿವನೆ ಪರಶಿವನೇ

ಏಳು ಏಳು ಎದ್ದೇಳು

ಏಕೆ ನೀನು ಅಲ್ಲಿರುವೆ

ನಾನು ಇಲ್ಲಿ ನೊಂದಿರುವೆ

ಬದುಕಲು ಬೇಕು ಗುರಿಯೆಂದೆ

ನೀ ಕೊಟ್ಟಿದ್ದು ಕೆಡಿಸೋ ಮನಸೊಂದೆ

ಹೆತ್ತವರೆಲ್ಲ ವೈರಿಗಳಾಗಿ

ಕಾಣುತಿಹರು ಕಣ್ಣೆದುರಲ್ಲಿ

ಸೋದರತ್ವವು ದ್ವೇಷವಾಗಿ

ಕಾಡುತಿಹುದು ನನ್ನನಿಲ್ಲಿ

ಸ್ನೇಹಿತರೆಲ್ಲ ಬಂಧುಗಳೆಲ್ಲ

ಎತ್ತ ಹೋದರೂ ನನಗಿಲ್ಲ

ಪ್ರೇಮದ ದೀವಿಗೆ ನೀ ಕೊಟ್ಟು

ಕಾಮದ ಬೆಂಕಿ ಹಚ್ಚಿರುವೆ

ಜ್ಞಾನದ ಬುತ್ತಿ ನೀ ಕೊಟ್ಟು

ಕನಸನ್ನು ಇನ್ನು ಉಳಿಸಿರುವೆ

ತಪ್ಪನು ಮಾಡಿಸಿ ನಗುತಿಹ ಶಿವನೇ

ಶಿಕ್ಷೆಯ ನೀಡಿ ಹೊರಟಿರೊ ಹರನೇ

ನಿನ್ನಯ ಮೇಲೆಯೇ ಎಲ್ಲ ಭಾರ

ಬಂದು ನೀಡೋ ಪರಿಹಾರ

ನಿನ್ನಯ ದಾರಿಯ ಕಾದಿರುವೆ

ಹೂ ಚೆಲ್ಲಿ ಕರೆದಿರುವೆ

ಏಕೆ ನೀನು ಅಲ್ಲಿರುವೆ

ನಾನು ಇಲ್ಲಿ ನೊಂದಿರುವೆ

~.~ ~.~ ~.~ ~.~ ~.~ ~.~ ~.~