'ಟೀಚರ್ಸ್ ಡೇ' ಎಂಬ ...

~.~

ರಾಧಾಕೃಷ್ಣನ್ ಅವರ ಕುರಿತು ಅಷ್ಟಾಗಿ ಗೊತ್ತಿಲ್ಲ..
ಪಠ್ಯಪುಸ್ತಕಗಳಿಂದಷ್ಟೇ ಅವರ ಹೆಸರು ತಿಳಿದಿದ್ದು..
ಪುಟ್ಟಣ್ಣರ ಒಂದು ಚಿತ್ರದ್ದಲ್ಲಿ ವಿದೇಶದ ಒಬ್ಬಾಕೆ ಹಿಂದೂ ಧರ್ಮದ ಬಗ್ಗೆ ರಾಧಾಕೃಷ್ಣನ್ ಅವರ ಪುಸ್ತಕ ಓದಿ ತಿಳಿದಿರುತ್ತಾಳೆ.. ಅಂದರೆ ರಾಧಾಕೃಷ್ಣನ್ ಅವರು ಹಿಂದೂ ಧರ್ಮಶಾಸ್ತ್ರಗಳ ಕುರಿತು ಚೆನ್ನಾಗಿ ಅಧ್ಯಯನ ನಡೆಸಿರಬಹುದು ಎಂದುಕೊಂಡಿದ್ದೇನೆ..

ಅವರು ಆದರ್ಶ ಶಿಕ್ಷಕರಾಗಿದ್ದರಂತೆ.. ಹಾಗಾಗಿ ಅವರ ಜನ್ಮದಿನವನ್ನು ಟೀಚರ್ಸ್ ಡೇ ಎನ್ನುತ್ತಾರಂತೆ..

ಇವರ್ಯಾರೋ ಹೇಳ್ತಾರೆ.. ಹಿಂದೂ ಧರ್ಮದಲ್ಲಿ ಗುರುಗಳಿಗೆ ನಮಿಸೋದು ಗುರುಪೂರ್ಣಿಮದಂದು, ಟೀಚರ್ಸ್ ಡೇ ನಮ್ಮ ಸಂಸ್ಕೃತಿಗೆ ಸರಿಹೊಂದಲ್ಲ ಅಂತ. ಹಿಂದೂಧರ್ಮದ ಕುರಿತು ಅಧ್ಯಯನ ನಡೆಸಿದವರ ಜನ್ಮದಿನವನ್ನು ಹಿಂದುಗಳ ಸಂಸ್ಕೃತಿಗೆ ತಕ್ಕುದಲ್ಲದ ಟೀಚರ್ಸ್ ಡೇ ಯನ್ನಾಗಿ ಆಚರಿಸೋದು ಸರಿಯಾ.. ರಾಧಾಕೃಷ್ಣನ್ ಅವರ ಆತ್ಮಕ್ಕೆ ಸಂತೋಷ ಆಗುತ್ತಾ.. ಗೊತ್ತಿಲ್ಲ..

ವಿದ್ಯೆ ಕಲಿಸಿದ ಗುರುವಿಗೆ ನಮಿಸಲು ಗುರುಪೂರ್ಣಿಮಾ. ಈಗೀಗ ಎಲ್ಲ ವಿದ್ಯೆಗೂ ಅಂತ  ಮಾರ್ಪಾಡು ಮಾಡಿಕೊಂಡಿದ್ದಾರೆ ಅದರ ಬಗ್ಗೆ ಬೇಡ ಬಿಡಿ.. 

'ಟೀಚರ್ಸ್ ಡೇ' ಗುರುಗಳನ್ನು ಸ್ಮರಿಸಿ ಅವರಿಗೆ ನಮಿಸಲು ಅವಕಾಶವಿತ್ತ ದಿನವೇ ಹೌದು ಅಂದುಕೊಳ್ಳೋಣ.. ನಿಜವಾಗಿಯೂ 'ಗುರು' ಎಂಬ ಪದಕ್ಕೆ ಸರಿಯಾದ ಅರ್ಥವನ್ನು ಕಂಡುಕೊಳ್ಳಲು ನನಗೆ ಸಾಧ್ಯವಾಗಿಲ್ಲ.. ಪ್ರಯತ್ನವಿದೆ. 
ಗುರು ಎಂದರೆ ಯಾರು? ಎಂಬ ಪ್ರಶ್ನೆ ಸದಾ ಇದ್ದೇ ಇದೆ.
ಜೀವನ ಹೇಳಿಕೊಡುವುದು ಬೇಡ, ಪಠ್ಯಪುಸ್ತಕದಲ್ಲಿರೋದನ್ನು ಸರಿಯಾಗಿ ಹೇಳುವುದು ಟೀಚರ್ಸ್ ಧರ್ಮವಾದರೂ ಈಗಿನವರು ಅಧರ್ಮಿಗಳು, ಬಹುಪಾಲು. ಈಗಿನ ಪಠ್ಯಪುಸ್ತಕಗಳಲ್ಲಿ ಸರಿಯಾದ ಪಾಠಗಳೂ ಇಲ್ಲದಿರುವುದರಿಂದ ಅವನ್ನು ಕಲಿಸದಿದ್ದರೆ ಒಂದು ರೀತಿ ಸರಿ ಎನಿಸುತ್ತೆ, ನನಗೆ. ನನ್ನ ಮೂಗಿನ ನೇರಕ್ಕೆ ಹೇಳುತ್ತೇನೋ ಏನೋ, ಈಗಿನ ಶಿಕ್ಷಣವ್ಯವಸ್ಥೆ ಸರಿಯಿಲ್ಲ!ಸರಿಯಿಲ್ಲ ! ಸರಿಯಿಲ್ಲ!
ಶಿಕ್ಷಣವ್ಯವಸ್ಥೆ ಸರಿಯಿಲ್ಲ, ಶಿಕ್ಷಕರು ಸರಿಯಿಲ್ಲ, ಅವರನ್ನು ಆರಿಸುವವರಿಗೆ ಸರಿಯಾದ ಶಿಕ್ಷಣವಿಲ್ಲ, ಶಿಕ್ಷಣವೃತ್ತಿ ಆರಿಸುಕೊಳ್ಳುವ ಬಹುಪಾಲು ಜನರಿಗೆ 'ಶಿಕ್ಷಕ' ಎಂಬುದು ಪದ ಮಾತ್ರ, ಎಲ್ಲದರಂತೆ ಒಂದು ವೃತ್ತಿ ಮಾತ್ರ. ಅಂತಹದ್ದರಲ್ಲಿ ಶಿಕ್ಷಕರ ದಿನ ಎಂಬುದರಲ್ಲಿ ನನಗೆ ಅರ್ಥವೇ ಕಾಣುವುದಿಲ್ಲ..

ಮನಸ್ಸಿನಲ್ಲಿ ಶಿಕ್ಷಕರನ್ನು ಕಂಡರೆ ದ್ವೇಷಿಸುತ್ತ, ಅವರ ನಡತೆಗಳನ್ನು ಬೆನ್ನ ಹಿಂದೆ ಟೀಕಿಸುತ್ತಾ, ಮೇಲ್ನೋಟಕ್ಕೆ ಸುಮ್ಮನೆ 'ಟೀಚರ್ಸ್  ಡೇ ವಿಷಸ್' ಎಂದು ಹಲ್ಲುಕಿರಿಯುವವರು ಇಂದು ಜಾಸ್ತಿ.
ಶಿಕ್ಷಕರ ಮೇಲೆ ಭಕ್ತಿ, ಪ್ರೀತಿ ಏನೂ ಇಲ್ಲದಿದ್ದರೂ ದ್ವೇಷ. ಅಸಡ್ಡೆ ಮಾತ್ರ ಬೇಡ.
ಶಿಕ್ಷಕರಾಗುವವರಿಗೆ ಬದುಕ ಮೇಲೆ ಪ್ರೀತಿಯಿಲ್ಲದಿದ್ದರೂ ಪಾಠದ ಮೇಲಿರಬೇಕು. ಭಕ್ತಿ ವಿದ್ಯೆಯ ಮೇಲಿರಬೇಕು. ಆತ್ಮವಿಶ್ವಾಸವಿರಬೇಕು.

~-~

 

1 ಕಾಮೆಂಟ್‌:

sunaath ಹೇಳಿದರು...

ರಾಧಾಕೃಷ್ಣನ್ ಅವರು ತತ್ವಜ್ಞಾನದ ಅತ್ಯಂತ ತಜ್ಞ ಹಾಗು ವಿದ್ಯಾರ್ಥಿಪ್ರಿಯರಾದ ಶಿಕ್ಷಕರು ಆಗಿದ್ದರು ಎಂದು ಕೇಳಿದ್ದೇನೆ. ರಶಿಯಾದಲ್ಲಿ ಅವರು ಭಾರತದ ರಾಜದೂತರಾಗಿದ್ದರು. ಇವರು ಭಾರತದ ಅಧ್ಯಕ್ಷರಾಗಿದ್ದರು.

Related Posts Plugin for WordPress, Blogger...